Euskal Herriarekin Nazioarteko Elkartasun astea

Indymedia Euskal Herria , 02.02.2010 - 16:02

Askapena erakunde internazionalistak otsailaren 6tik 13ra bitartean, mundu osoan zehar Euskal Herriaren aldeko mota guztietako ekintzak burutzera deitu du, aurten hirugarren aldiz ospatuko den Nazioarteko Euskal Herriarekin Elkartasun astearen barruan hain zuzen. Hamaika herri, borroka bakarra lelopean.

"Ez dago munduan isolaturik askatu daitekeen herririk. Betik behar izan da, neurriren batean, sostengua, adorea, kidetasuna, bestelako borroken eta herrien mobilizazio internazionalista. Berdin gertatzen da Euskal Herriarekin...". Horrela hasten da hemen jasoten dugun elkartasunerako deialdia. Partehartzera animatu ezezik, gune honetan ekimenei buruz informatzera ere animatu nahi zaituztegu.

|18 herrialde eta 70 ekimen baino gehiago EHrekin elkartasun astean|

|Bideoa|, |Irratirako kuña|, |Bannerrak|, |Desfile Nazionala Milanen|, |III International Solidarity Week|, |La solidaridad con Euskal Herria presente en el bloody sunday|.

[Gehiago irakurri] - [Itzuli]

Asel Luzarraga hilabete espetxean

Indymedia Euskal Herria , 28.01.2010 - 19:21

Urte bukaeran atxilotu zuten Asel Txilen, hainbat atentatu burutu izana egotzita. Errugabea izanik, hilabete darama dagoeneko hegoaldeko Temukoko espetxean, preso politiko maputxeekin modulua konpartitzen. Euskal Herrian zegoenez atentatuak burutu ziren egunetan (pasaporteak frogatzen zuena), karguak aldatu zizkioten eta armak garraiatzea leporatzen diote orain. Sinesgaitza Asel, idazle, itzultzaile, blogalari, musikari eta anarkista izateaz gain, Asel antimilitarista ere badelako.

Aste hauetan handia izan da jaso duen elkartasuna. Lagunak, familiak, bikoteak eta beste hainbestek bermeotarraren askatasuna eskatu dute. Asel Askatu webgunearen bitartez eta egunez egun ekintzak, informazioa zabaldu, eskutitzak bidali, elkarrateratzeak antolatu, elkarrizketak luzatu, artikuluak idatzi eta abarrekoak eginez ere elkartasuna adieraziz.

Egoera ez da oso itxaropentsua aurreikusten. Hiru hilabeteko prebentziozko presondegia dauka eta gero seguraski epaiketa edo kanporaketa. Zergatik? Maputxe herriarekin bat egin duelako, han eta hemen herri honek jasaten duen egoera salatzen duelako eta horrelakorik Txileko aurreko zein oraingo gobernuak ezin duelako toleratu.

Asel aske egon arte bere askatasunaren aldeko ekintzak eta sinadura bilketak aurrera jarraituko dute.

[Gehiago irakurri] - [Itzuli]

Urtarrilaren 18an: `To shoot an elephant` dokumentalaren global streeming.

IndymediaEH , 16.01.2010 - 17:16

"Ondoren, jakina, amaiezinezko solasaldiak egon ziren elefantearen heriotzaren inguruan. Jabea sutan zegoen, baina indiar bat zen, besterik ez, eta ezin izan zuen ezer egin. Gainera, legearen arabera nik ongi jokatua nuen, elefante ero bat txakur ero bat bezala hil behar baita bere jabeak kontrolpean mantentzen lortzea ez badu". George Orwell. "Elefante bat tirokatzen", "New Writing"en argitaratu zen lehen aldiz, 1948an.

Orwellek Asiari begiratzeko oraindik baliagarria den modu bat definitu zuen. "To shoot an elepahnt" Gazako Zerrendan egondako lekuko bati buruzko kontakizuna da. 2008ko abenduaren 27tik aurrera "Cast lead" (Berun urtua) izeneko operazioak elefanteak tirokatzen eman zituen 21 egun. Premiazko irudiak ditugu, logura kentzeko moduak eta zikinak; anbulantzietara itsatsiak biztanleri zibil palestinarraren ondoan gelditzea erabaki eta lortu zuten atzerritar bakarrek lortutakoak.

Urtarrilaren 18an, Israelen erasoa gelditu zen egunarekin bat eginez, mundu osoan zehar, ahalik eta leku gehienetan, "To shoot an elephant (TSAE)" dokumentalaren proiekzioa burutzea proposatzen da, dokumentalaren screening globala. Erasoa burutu zuten egunetan grabatuta, dokumentalak Gazatik bertatik kontatzen ditu egun haietako gertakizunak. Dokumental eta ekimen honek israeleko propagandari eta nazioarteko isiltasuanari aurre egin nahi dio.

Euskal Herrian leku ugaritan ikusi ahal izango da. Indymedia Euskal Herritik deialdia egiten dugu ikustera joateko eta tokian tokiko proiekzio gehiago antolatzera. Dokumentala bost hizkuntzatan deskargatu daiteke (euskara barne) Creative Commons lizentziarekin egin dela-eta. Mundu mailan eta Euskal Herrian leku askotan proiektatuko da (Proiekzioen mapa) Palestinara munduko leku guzti hauetatik itxaropena eta elkartasuna helduko den asmoarekin.

Euskal Herriko Proekzioak:
|Agoitz, Angiluerreka Elkartea, 20:00| - |Alegi , Gaztetxea, 21:30| - |Andoain, Gaztetxea, 20:00| - |Areatza, Udaletxeko Aretoan, 19:00| - |Barañain, Gaztetxea, 20:00| ? |Beasain, Gaztetxea| - |Bergara, Gaztetxeko Zinekluba, 18:00| - |Bilbao: La Bolsa, 19:00| - |Bilbao, Kafe Antzokia, 19:30| - |Donostia, Koldo Mitxelena Kulturunea, 19:00| - |Donostia, Guardetxea, 19:30| - |Donostia, Ibaetako FIHEZI Fakultatean, 15:30| - |Eibar, Tallarra Gaztetxia, 20:00| - |Eibar, EHU Ingenieritza Eskola, 11:00| - |Elorrio, Gaztetxea, 17:30| - |Ermua, Eskilarapeko Ateneoa, 20:00| - |Erratzu-Baztan, Zubipunta, 21:00| - |Errenteria, Mikelazulo, 19:30| ? |Etxauri, Udaletxeko 1. solairuan, 20:00| - |Forua, Foruko barnetegian, 22:00| - |Gares-Puente la Reina, Gaztetxea, 19:30| - |Gasteiz, Hikateneo, 20:00| - |Gasteiz, Zapateneo, 19:30| - |Gernika, Gaztetxea, 20:00| - |Hernani, Biteri Kultur Etxea, 19:30| - |Irun, Lakaxita Gaztetxea, 19:00| - |Iruñea-Pamplona, Bakearen Etxea, 19:00| - |Iruñea-Pamplona, Kalaska-Zabaldi, 20:00| - |Iruñea-Pamplona, Bar El Saloncito, 20:00| - |Iruñea-Pamplona, Akelarre Kultur Elkartea, 21:00| - |Iruñea-Pamplona, Subeltz CSA, 19:30| - |Irurtzun, Pikuxar| - |Iturriaga-Mirafuentes, Gaztetxea, 18:00| - |Lakabe, Gaztetxea, 20:00| - |Larrabetzu, Anguleri Kultur Etxea, 20:00| - |Leioa, Udondo Gaztetxea, 19:30| - |Lizarra, Lizarraldeko BHI, 12:00| - |Lizarra-Estella, Gaztetxea, 20:00| - |Mutriku, Zabiel Kultur Etxea, 19:00| - |Ondarroa, Gaztetxia, 19:00| - |Ordizi, Gaztetxea| - |Santurtzi, La Kelo Gaztetxea, 19:30| - |Soraluze, Gaztetxea, 20:00| - |Tafalla, Kultur Etxea, 19:30| - |Tolosa, Leidor Aretoa, 19:00| - |Urretxu, Gaztetxea, 19:00| - |Zaraitzuko Espartza, Beiegu Elkartea, 20:00| - |Zarautz, Arrano, 18:30| - |Zizur Nagusia, Esparru Gaztetxea, 19:30|.

[Gehiago irakurri] - [Itzuli]

Gaztesarea: gero arte!!

Indymedia Euskal Herria , 14.01.2010 - 00:19

Gaztesareak Euskal Herriko hedabide libreen itsasoan nabigatzeari utzi dio. Sinesgaitza zaigun berri txarra. Zazpi urtez komunikazio horizontala eta parte hartzailea jorratu eta gero, joan uztailean jasandako guardia zibilaren operazioak "eguneroko jardunean normaltasunez aritzeko oztopoak ekarri dizkigu, aurrera jarraitzea ia ezinezko egiteraino". Hori dela eta adio esan behar izan digu.

Gaztesareak agur esateko unea iritsi da...

"2010eko urtarrilaren 13 honetan idazten ditugu gure azken lerrook. Agurrak ez dira beti gozoak izaten eta oraingoan ere ez da hala. Malkoz osatutako itsaso gazian, irrifarre zabala ahoan, bagoaz. Mila esker urte guztiotan Gaztesarearen parte izan zareten guztioi eta are eta esker gehiago zuei, Euskal Herriko gazte guztioi. Zuek gabe ez ginatekeen ezer izango.

Sentitu, pentsatu, egin... eta adierazi!

Uhinak aurrera darrai! Gero arte!"

[Gehiago irakurri] - [Itzuli]

Sarraskiaren urte betera Palestinarekin elkartasuna handiagotzen

IndymediaEH , 27.12.2009 - 10:45

Orain betetzen da urte bete estatu israeldarrak Gazaren aurka "Plomo Fundido" operazioa burutu zuenetik. 2008ko abenduaren eta 2009ko urtarrilaren bitartean 1.416 hildako eta milaka zauritu, desplazatu edo etxe suntsituak utzi zituelarik. Jazarpen hau ahaztu ez dadiin eta kaltetuei zein borrokan dirauen palestinar herriari omenaldi gisa, egunotan hainbat ekintza egingo dira.

Alde batetik, eta nazioarteko ekimen baten barruan, aurtengo gabon zaharrak Gazaren askatasunaren aldeko martxa dakarkigu. Lurralde okupatu eta isolatu honetara ehunka militante gerturatuko dira Israelek mantentzen duen inguraketa apurtzeko asmoz. Egiptotik, Sinaitik, okupatutako lurraldetatik? milaka pertsona saiatuko dira Gazara sartzen nazioarteko elkartasuna helarazteko herritarrei. Albisteak blog honetan jarraitu daitezke: Solidarios en Gaza. Badaukagu Euskalherrian ere ekimen honetan parte hartzen duen jendea.

Kronikak Martxa-tik: |Urtarrila 2ak, Gazako mugatik|, |Abenduaren 30ak|, |El Cairo-n manifestazioak (abenduaren 30 eta 31): 1, 2 |, |Rafah-ra abiatzen (29, asteartea)|, |Decenas de internacionales secuestrados por la policía egipcia en Al-Arish|, |larunbata, abenduak 26|, |domeka, abenduak 27|.

Bestalde, urtarrilaren 18an, Israelen erasoa gelditu zen egunarekin bat eginez, mundu osoan zehar, ahalik eta leku gehienetan, "To Shoot an elephant (TSAE)" dokumentalaren proiekzioa burutzea proposatzen da, dokumentalaren screening globala. Erasoa burutu zuten egunetan grabatuta, dokumentalak Gazatik bertatik kontatzen ditu egun haietako gertakizunak. Bonbardaketen zuzeneko eta pribilegiatuko narrazio bilakatu da nazioarteko isiltasun eta propaganda israeldarraren aurka. IndymediaEHtik kolektiboki edo banaka ekintza honekin bat egitera animatzen zaituztegu baita Euskal Herritik ere palestinar herriarekin elkartasuna adieraztera. Dokumentalaren kopiak web gunean edo emailez eskuratu daitezke.

Narrazioaren eta salaketaren aldetik duen balioaz gain, TSAE taldean eta modu horizontalean eta autonomoan egindako lanaren adibide da eta bere xedea da ikus-entzunezko lanak aurrera eramateko moduak eta bideak berritzea, bai produkzio-prozesuan bai horien banaketan eta komunikazioan. Talde-lanaren eta Creative Commons lizentzien alde eginez, gure nahia da dokumentalak bere ekoizleen mugak gainditzea eta ikuslearen material bilakatzea.

[Gehiago irakurri] - [Itzuli]

Egunkaria libre! Partehartu, zabaldu, entzun... zuzenean!!!

Indymedia Euskal Herria , 19.12.2009 - 05:43

Egunotan Egunkarialibre.info ekimena abian jarri dute auzolanaren bitartez denok partehartu dezagun Egunkariaren alde, argazki, mezu, informazio, grabaketa, irudi, iritzi edo gure danakin. Orain arte egin diren esfortzuekin bat eginez. Bilboko manifestazioaren jarraipen berezia egin nahi da, maiatzeko greba orokorrean egin zen antzera. Parte hartzazu!!! Laguntzeko aukera ezberdinak daude. Prestaketarako 12tan Bilboko Kafe Antzokian izango da elkarketa eta gero... danok manifara!

Irrati saioa zuzenean Bilbotik

Egunkarialibre.info eta irratia.com ekimenekin batera eta auzolanean zuzeneko irrati emankizuna izango da, FMtik zein internetik. Bilbo Hiria irratitik jarraitu ahal izango da Bilboko kaletan gertatzen dabilena 17.00tik aurrera.

|Manifa-ko argazkiak: 1,2|, |Bideo|.

[Gehiago irakurri] - [Itzuli]

Egunkaria Libre!

Indymedia Euskal Herria , 07.12.2009 - 01:18

Euskaldunon Egunkariaren itxieratik adierazpen askatasunaren eta euskararen aldeko gizarte mugimendu bat sendotzen joan da Euskal Herrian. Herritar askoren laguntza eta babesa izan du borrokak 2003an Egunkariako 10 lagun ETAko kide izatea egotzita atxilotuak eta torturatuak izan zirenetik. Horrelakoxea ere itxiera eta gero sortu ziren proiektuek (Egunero edo egungo Berria) izan zuten sostengua.

Orain Espainiako Auzitegi Nazionalak Dignidad y Justizia eta AVTren herri akusazioekin bakarrik mantentzen du datorren astean Xabier, Txema, Jose Mari, Iñaki eta Martxeloren kontra hasiko den epaiketa. Auzibide eta borroka honek guztioi eragiten digun heinean, jendetza biltzeko asmo eta nahiarekin, auzipetuek Manifestazio Nazionalera deitu dute abenduaren 19an Bilbon.Deialdiarekin bat eginez beste herritan ere egingo dira mobilizazioak. Ikusteke Madrilen, non Espainiako Gobernuko ordezkariak manifestazioa debakatu egin duen.

Urteotan anitza izan da jendea batu eta informatzeko eskualdeetan eta kanpoan egin duten etengabeko txindurri lana. Atxikimenduak eta elkartasuna hareagotzen joan dira, besteak beste, herriz herriko topaketa eta hitzaldiekin, jende andana elkartu dituen kontzentrazio eta ekitaldiekin. Auziaren inguruko informazio guztia eguneratu eta sistematizatzen duen gunea kudeatzen dute eta nazioartean informazioa zabaltzeko ere Egunkaria.info/Internationala ataria sortu berri dute. Berriak ere epaiketari jarraipen berezia egingo dio.

Informazio gehiago: |Egunkaria auziari buruzkoegunotako jarraipena Sustatun|, |2003.urteko manifestazio historikoa|, |Manifestua|, |Itxieraren Behatokiako txostena|, |Egunkariaren aldeko plataformak: Katalunia, Madril, Aragoi|.

[Gehiago irakurri] - [Itzuli]

Izan direlako gara, garelako izango dira. Memoria historikoa berrezkuratzen

Indymedia Euskal Herria , 06.12.2009 - 19:37

Datorren Abenduaren 7tik 13ra Berrezkuratu memoria historikoa delako erakusketa ikusi ahalko da Xenpelar Etxean, Oreretan-Errenterian. "Gure herrian 1936.urteko guda eta ondorengo memoria historikoa berrezkuratu nahian" geroa eraiki ahal izateko. Xenpelar etxean aurkeztutako programa osoa (Prentsaurrekoa: |Grabaketa|, |Argazkiak|) datorren abenduaren 7an, astelehenean hasiko da, programazioa erakusketarekin hasiko da eta astean zehar jarduera desberdinak izango dira.

• Astelehenean Xenpelar etxean 19etatik aurrera Ahaztuak 1936-1977 elkarteak hitzaldia emango du "Memoria egin-justizia egin" gaiarekin.
• Asteazkenean hilak 9, Iosu Txuekak, EHUko irakasleak, Frankismoaren errepresioa: "Sufrimendu eta elkartasunaren artean" hitzaldia. eskainiko du Xenpelar etxean 19.30etan.
• Ostegunean, Xenpelar etxean 19etan Iñaki Egañak: "Frankismoa Orereta-Errenterian" hitzaldia emango du
• Ostiralean hilak 11, Xenpelar etxean, Erreginaren aretoan 18etan, "Desafectos" película ikusi ahal izango da. Ondoren "Frankismoaren esklabuak" hitzaldia eskainiko da.
• Larunbatean hilak 12, Oreretako Alamedan, Frankoren aurka burrukatu zuten erakunde eta pertsonen aldeko omenaldia burutuko da. Egun berean, herriko bazkaria izango da eta arratsaldeko 19etan Niessen aretoan omenaldi bat eskainiko zaie, garaiko pertsonei.

Honez gain, erakusketa aberazteko asmotan, erakusketaren antolatzaileek, nahi dutenei dokumentu, testigantza eta bestelako objektuak eramateko deia zabaldu dute. Hau dela eta, Xenpelar etxera joan daitezen. |Zintzilik Irratian egindako elkarrizketa|.

[Gehiago irakurri] - [Itzuli]

ASKI DA! Eskubide guztiak guztiontzat!

Indymedia Euskal Herria , 26.11.2009 - 11:26

Dakizuen bezala, astelehenetik asteartera doan gauean Polizia Espainiarrak zein Guardia Zibilak 34 gazte atxilotu zituen Euskal Herriko hainbat eta hainbat herritan. Atxilotu bezain pronto atxilotuak lege antiterroristapean jarri eta inkomunikatu egin zituen Audientzia Nazionaleko Grande Marlaska epaileak. Erreakzioak ugari izan dira eta mobilizazioak egon dira Euskal Herri osoan zehar.

Gazte independentistek ohar bat kaleratu zuten atxiloketen aurrean beraien konpromezuak berretsiz, eta atxiloturik eta inkomunikaturik dauden gazteen senide eta lagunek atxekimendua jasotzeko blog bat martxan jarri dute eta manifestazioa deitu dute . Larunbat honetan, hilak 28, arratsaldeko 5etan Bilboko Aita Donostia plazatik abiatuta.

[Gehiago irakurri] - [Itzuli]

Por amor al arte: mani-festa-ekintza Iruñean

Ekinklik + IndymediaEH , 23.11.2009 - 12:53

Nafar kulturaren arloko hainbat talde elkartu ziren azaroaren 21ean Iruñean ospatutako mani-festa-ekintzaren inguruan. Epe luzerako eta urteko aurrekontuen menpe egon behar ez lukeen egitasmo kultural sendo bat aldarrikatzeko helburuaz ospatutako ekimena izan zen.

Edukitzailea ez ezikik edukia aintzat hartzen duen kultura errebindikatu zuten; gobernatzen duten talde eta alderdi politikoen menpekotasunetik at eta epe jakin baterako baino, 2016rako kasu, etorkizunari begira landutako kultura. Taldeen manifestuan ekimen kultural eta festiboei sostengua ematea eskatu zuten alaitasuna antzoki, areto eta museotatik kalera ere zabaldu dadin. |Argazkiak|

[Gehiago irakurri] - [Itzuli]

aurreko berriak >>

NEWSWIRE

Zer egiten dugu hondakinekin? Qué hacemos con los residuos?
09-02-2010 23:45 - Nafarroa Ezkerretik

Llamamiento a perceptores/as de ayudas sociales
09-02-2010 23:37 - Argilan (Bilbo)

Definición de Euskal Herria, Euskaria y Nabarroa
09-02-2010 19:16 - nabar errepublikarrok

La gestion de la crisis. Clase política y burbuja inmobiliaria. Gira Icea por Alacant
09-02-2010 18:07 - ICEA

Libertad Manuel Pinteño
09-02-2010 17:21 - e-a-r

Boltxe Kolektiboa contra la agresión al Gaztetxe de Romo
09-02-2010 16:56 - Boltxe Kolektiboa

Hartos y hartas de aguantar!
09-02-2010 13:55 - Afines a la fuerza...forsa...en Catalá

fanzin rabia y accion de Mexico
09-02-2010 13:46 - (A)

Valladolid, Paris eta Napoli... sozialismoa eta askatasunerantz bidelagun
09-02-2010 12:59 - Askapena

El Ayuntamiento de Valencia pretende instalar un monumento a los franquistas
09-02-2010 12:53 - 1a·imagen· vale más que...

Israelen aurkako boikot kanpainaren nazioarteko azken berriak
09-02-2010 12:50 - Askapena

Urdaibai Guggenheim Sophopolis
09-02-2010 12:33 - nabar errepublikarrok

Euskal Gazteriarekiko Nazioarteko elkartasuna deialdia
09-02-2010 11:48 - Gazte Independentistak

Surge `Hamaika bil gaitezen` para unir fuerzas de los abertzales y progresistas de Navarra
09-02-2010 11:22 - Hamaika bil gaitezen

Hamaika Bil gaitezen, Nafarroako abertzale eta aurrerakoiak biltzeko dinamika berria
09-02-2010 11:17 - Hamaika Bil Gaitezen

Iruña-Veleia: comisión euskera 3-2-2010 en Juntas de Araba (audio dos horas)
09-02-2010 09:33 - Ostraka

El desesperado avance del Imperio Norteamericano en América Latina
09-02-2010 04:17 - Níkolas Stolpkin

Nuevo impulso solidario a la lucha de ANAIRC
08-02-2010 20:52 - Giorgio Trucchi - Rel-UITA

suspendido juicio contra alcalde de Aramaio.
08-02-2010 20:42 - aht gelditu elkarlana

1.200 tona haragi ustel Haitira
08-02-2010 20:13 - Askapena

Kronika Nafarroa: El proceso democrático nos debe llevar a un escenario de respeto de los derechos y de garantías democráticas
08-02-2010 17:19 - Apurtu.org

Urdaibai Guggenheim Sophopolis
08-02-2010 16:27 - nabar errepublikarrok

Tragedia navarra
08-02-2010 15:42 - Miguel Unamuno

Solidaridad internacional Alcalde Aramio
08-02-2010 13:20 - AHT GELDITU! Elkarlana

Otsailak 10 febrero: Situación del anarquismo en $hile
08-02-2010 13:14 - IBA

Vídeo-charla: En bici, sin carril bici. Consecuencias del carril bici urbano
08-02-2010 12:59 - Biciescuela Granada

Donostia baraualdian
08-02-2010 10:47 - En

El Estado Socialista Nabarro y la cuota de ganancia (1).
07-02-2010 20:10 - K.A.Garcia-Salmones

Donostia sindikatuen manifa
07-02-2010 18:13 - En

Somos Pacha Mama, Gaia, Amalurra
07-02-2010 17:47 - Jota Tami Kata

Donostia Tomas Alba, Jon Anza, Juanjo Rego, Jon Aginagalde
07-02-2010 10:52 - En

Donostia-Jonostia 2
06-02-2010 23:37 - En

Donostiako begiak Europako begiak
06-02-2010 18:02 - En

Manuel Pinteño: claro caso d venganza política a través d cadena perpetua encubierta
06-02-2010 17:40 - e-a-r

Donostia-Jonostia
06-02-2010 17:02 - En

Donostia-Jonostia non da Jon Anza donostiarra?
06-02-2010 15:34 - En

Euskal presoen enkartelada 2010-1-29 Donostian
06-02-2010 13:18 - En

Euskal presoen enkartelada PSOE egoitzan Donostian
06-02-2010 12:38 - En

U.M.E....son como niños
06-02-2010 11:33 - .

Petitioa: Xan, Ibai, Gilen, Eneko askatu!!
05-02-2010 20:28 - Kanboko kolektiboa

Cabeza borradora
05-02-2010 17:18 - El Leviathan vascón

Dogmatic hunt on Eliseo Gil
05-02-2010 16:06 - The choir of damned scientists

La puta manía de creernos San Dios
05-02-2010 14:55 - Sal

Las protestas contra el capitalismo comienzan en findesemana
05-02-2010 12:40 - anonimx

Referentes de la lucha popular de Argentina abogan por una Euskal Herria libre y socialist
05-02-2010 12:31 - Askapena

Erakusketa ?Palestina e Irak a los ojos de Azagra y Kalvellido?
05-02-2010 10:51 - Kalaska

Haiti. Nazioarteko kanpamentu feminista
04-02-2010 22:36 - hmk

¿Por nuestra salud? La privatización de los servicios sanitarios. Nuevo libro de Traficantes de sueños
04-02-2010 19:59 - Librería asociativa Traficantes de Sueños

Otra vez el Vaticano
04-02-2010 19:19 - Antivaticanistas en Acción

¿Cantabria vascónica?
04-02-2010 18:44 - Regüelta

aurreko berriak >>

Zaborra >>