Archivo de noticias

Komite internazionalistak, 30 urte Internazionalismoa eraikitzen Euskal Herritik

Indymedia Euskal Herria , 05-11-2009 - 14:28

Aurten, Komite Internazionalistak 30 urte bete ditu. Hau dela eta, Euskal Herriko gizarte mugimenduei, munduan haiekin lan egin duten eragilei, Komite Internazionalistako kide ohiei, brigadistaei, hedabide alternatiboei, herriak.org buletina jasotzen dutenei eta Internazionalista guztiei zorion mezu hau helarazi nahi dizute, eta bide batez, datorren azaroaren 28an burutuko den ospakizun egunerako gonbidatu nahi gaituzte.

Egun horretan, hainbat ekimenez gozatzeko aukera izango dugu: umeentzako ekintzak (puzgarriak, graffiti tailerrak...), albokariak auzoan zehar, kolektibo desberdinekin azoka, herri bazkaria Kukutza gaztetxean, ekitaldi politikoa, Betagarriren kontzertua eta DJ Makala....hainbat jarduera izango dugu egun horretan, denon artean une politak eta ez hain politak gogoratu, barreak, tira-birak, eta batez ere Internazionalismoarunzko bidea batera egin dugun lagunok, eta nola ez, bidean geratu direnak ere gogora ekartzeko.

30 urte bizitzan behin baino betetzen ez direnez, eta antolatzeaz eta borrokatzeaz gain, beharrezkoa delako ospatzea eta gozatzea ere, beraiekin ospatzera gonbidatzen gaituzte: |Bideoa|, |Irratietarako kuña|.

Gehiago irakurri >>

Indymediaren hamar urteak (eta +) ospatzen

Indymedia Euskal Herria , 02-11-2009 - 11:03

Hamar urte Seattletik etortzen zitzaizkigun irudiak eta berriak mundu osora zabaldu zirenetik. Bertan gertatutakoak eta gertatzen ari zenaren informatzeko erak ere ezustean hartu gintuen. Hamar urte hainbat egile (hackerak, irrati libreak, gizarte mugimenduko militanteak, kazetari independenteak,..) bildu eta giza mugimenduetatik sortutako komunikazioan iraultza bultzatu zutenetik. Plataforma horizontala, autogestionatua eta punta-puntako teknologiaz eraikia. Mass-medien diktaduraren aurrean, benetako alternatiba zekarrena.

Gune hauetan gauza asko bizi izan ditugu, onak batzuk, txarrak beste batzuk. Baita aldaketa ugari nabaritu ere. Batez ere interneten, berton eman diren aurrerakuntzak eta alternatibak alde batzutan Indymedia komunitatearen aurreikuspenak eta ahalmena gainditu dituztelarik. Horregatik, Indymedia Globalaren hamar urteak, eta Indymedia Euskal Herriaren pittin batzuk gutxiagoak, momentu ezin hobean jartzen gaituzte eztabaida bultzatzeko. Nola hobetu indymedia proiektua, sortu zuen helburua bizirik mantentzeko. Denon artean egin dezagun hausnarketa, izan ere, indymedia da eta izango da, proiektuan parte hartzen duen ororena. |Indymedia Globaleko inkesta|, |Indymedia 3.0 (Byte)|, Indymedia 2.0 (proposamena): |1|, |2|.

Gehiago irakurri >>

Badator elkartasunez tourra

Indymedia Euskal Herria , 25-10-2009 - 01:00

Dena prest Elkartasunez tourra disfrutatzeko. Urriaren 23an Laudiotik abiatu eta azaroaren 17an Altsasun Internazionalista Egunean amaiera emango dion tourra, Euskal Herriko hainbat herrialdetatik igaroko da, hamaika kontzertu, bertso-saio, mahainguru edo zine maratoi antolatuz Euskal Herria eta Palestinaren arteko elkartasun sare eta lana jarraitu eta indartzeko helburuarekin.

DAM, Basel Zayed, Nabil Monsour, Ahmad Naamnah eta Muhammad Zoabi Euskal Herriko talde, bertsolari eta bakarlariekin (Arrebote, Stockholm, Mikel Urdangarin, Petti, Uxue Alberdi, Jon Maia, Txuma Murugarren, Fredy Paia, Anje Duhalde, Miren Artetxe, Amets Arzallus, BAD Sound System, Indarrap, Eñaut Elorrieta, Joseba Tapia, Sustrai Kolina, Jexux Mari Irazu, Igor Elortza, Iñigo Izagirre, Gargardogura, Fermin Muguruza checkpoint-rock, Porrotx, Fermin Valencia...) nazioartean Israelen kontra darabilen boikot kanpaina bultzatuko dute.

|Manifiestua|, |Bideoa|. |Egitaraua|, |Manifestua sinatzeko|, |Elkartasunez tourraren bideoa|.

Gehiago irakurri >>

Bilbao Open Day 2009

Indymedia Euska Herria , 21-10-2009 - 11:48

Arte Libre Digital plataformaren eskutik urriaren 22, 23, 24 eta 25ean Bilbao Open Day ekitaldia ospatuko da. Kultura librean oinarrituta, bete-betetako agenda dakarren ekitaldia. Lau egunez software, hardware, 3D, jolasak, bideoak, audioak edo lizentziak gai nagusitzat duten solasaldietan, eztabaidetan, lantegietan edo erakusketetan parte hartzeko aukera izango dugu, hiri osoan zehar sakabanatutako hainbat gunetan.

Computer vision, errobotak, Opensim, DIY arropa, lizentziak, musika-tresna elektronikoak nola egin, aurrerakuntzak eta gizarte komunikaziorako baliabide berriak, software librea enpresaren alorrean eta are gehiago? Eduki libreko egunei ezin ahantzi gauean burutuko diren emanaldiak eta bestelako eskaintzak. Antolatzaileek dioten legez: kultura librea maite baduzu, ezin duzu hau galdu. Indymedia Euskal Herria bertan izango da.

|BOD2009 kartela|, |BOD2009 bideoa|.

Gehiago irakurri >>

Aski da!

Indymedia Euska Herria , 14-10-2009 - 18:20

Amnistiaren aldeko mugimenduak atzoko polizia operazioei erantzuteko mobilizazioetan parte hartzeko deia luzatu du.

Informazioa eta deialdia

Gehiago irakurri >>

Arazo teknikoa konponduta

Indymedia Euskal Herria , 10-10-2009 - 13:37

Aurreko astean, bost egunez kontu teknikoak eta espero zen baino denbora gehiago iraun zuen eguneraketak direla eta, ezin izan dugu Indymedia Euskal Herria erabili izan. Egun horietan argitalpen irekira bidali izan diren berri eta mezuak, ikusi bezala, nahiz eta atzerapenarekin ere, argitaratuta daude eta ez da informaziorik galdu bidean.

Datorren astean beste programaren bat eguneratuko dugu webgune honek zerbitzu hobeagoa eta seguruagoa eman dezan. Aldaketa hau askoz txikiagoa da eta ez dugu espero inolako arazorik egotea. Bestetan bezala zuek molestatu gabe egingo dugu dena. Hala ere eskerrik asko zuen pazientziagatik eta barkatu sortu ditugun eragozpenengatik!

Gehiago irakurri >>

Hamabi pertsonen kontrako epaiaren parodia bat lau atxilotuekin bukatzen da

IndymediaEH , 13-09-2009 - 10:46

Larunbatean irailaren 19an: Okupazioaren Amaren omenezko manifestazioa | Bizifestazioa eta maniprozesioa

Aldez aurretik prentsaurrekoan jakinarazi zuten bezala Leku Santuen Okupazioko Amaren prozesioa burutu zuten joan ostiralean Iruñako kaleetatik, bezperan irudiak alde zaharrean bere lehen agerpena egin ostean. Ekintza bukatzean lau lagun atxilotu zituzten, aske dagoeneko.

Iruña Piztera Goazenek, bestelako kolektiboen babesarekin bultzatutako salaketa eta errebindikazio ekintza hau datorren ostegunean epaituko dituzten 12 lagunen alde burutzen dabiltzan ekimenen artean kokatzen da. 2007an eseraldi baketsu bategatik, desobedientzia zibileko ekintza bategatik epaituko dituzte, bi eta lau urteko kartzela zigorra eskatzen dutelarik.

Astean zehar liburu aurkezpen batera (bideoa), audientziaren parean kontzentratzera ostegunean (argazkiak) edo bizifestaziora larunbatean deitzen dute.

Info gehiago: Eseraldia baketsua izan zela bermatzen dute lekukoek | Okupazioaren Andramariren prozesioa | Argazkiak. Ekinklik | Cómo está el patio. Juicio contra la ocupación | Piztera: Nuevos juicios contra piztera a partir del 17 | Nik ere egin nuen (martxokoa)

Gehiago irakurri >>

AHTren aurkako udako martxa

Indymedia Euskal Herria , 04-09-2009 - 23:21

Kronikak: |Udako Martxak seigarren eguna betetzen du Basaurin|,|Udako martxako partaideak ordu eta erdian zehar atxikituak eduki ditu poliziak|, |Irailak 6|

Zortzi egunetan zehar oinezko martxa batek Araba, Gipuzkoa eta Bizkaia arteko AHTren azpiegituraren inguruko lanak zeharkatuko ditu. AHTren aurkariak diren izaera ezberdinetako herri taldeek ekintza honetan parte hartzera gonbidatzen dute.

Larunbatean, irailaren 5ean, Gasteiztik abiatu eta egunez egun Urbina, Aramaio, Arrasate, Bergara, Angiozar, Elorrio, Durango, Amorebieta, Lemoa, Galdakao, Basauri eta Bilbotik pasatuko da ibilaldia, irailaren 12an Ezkerraldean amaitutzat emango delarik.

Hiru dira ibilaldiaren helburuak: dagoeneko kaltetuta eta oraindik kaltetzeke dauden lekuak gertutik ezagutzea; txikizioarekin lotuta dauden bestelako azpiegiturak ere ezagutzea eta txikizio hau geldiarazteko ofentsibara pasatzeko indarrak zein baliabideak elkartzea. Hainbat salaketa ekintza burutuko dira bidean zehar.

Gonbidapena eta egitaraua

Gehiago irakurri >>

Garoñaren aurkako Martxa

Indymedia Euskal Herria , 27-08-2009 - 16:37

Garoñaren aurkako koordinakundeak biltzen dituen EH, Errioxa eta Burgoseko gizarte eta kolektibo ekologistek urtero bezala aurten ere Garoñaren aurkako Martxan parte hartzera deitzen dute, zentral nuklearraren berehalako itxiera eskatzeko. Ekimenak aurten 30 urte betetzen ditu.

Mobilizazio antinuklearra abuztuaren 30ean, eguerdiko 12tan abiatuko da Barcina del Barco herritik. Igandeko manifestazioari Bilbotik ostiralean irtengo den bizikleta martxa batuko zaio. Domekan bertan ere, autobusak irtengo dira Gasteiz eta Bilbotik (izen emateko: 94.4790119 edo 649.674.606).

Deialdia eta zentral nuklearraren itxierarako arrazoiak

Aurreko urteetako deialdiak: 2003ko deialdia | 2003ko argazkiak |2004ko deialdia |2004ko argazkiak | 2005eko deialdia | 2005eko argazkiak | 2006ko deialdia | 2006ko argazkiak | 2007ko deialdia | 2007ko argazkiak |2008ko deialdia | 2008ko argazkiak

Gehiago irakurri >>

Gaztesarea interneten portalaren aurka erasoa

Indymedia Euskal Herria , 31-07-2009 - 20:14

Azken egun hauetan Guardia zibilak Gaztesarea interneten portalaren aurka arazo egin du. Hiru kide atxilotuta izan dira eta epailaren aurretik pasa eta gero aske utzi dituzte baldintsapen.

Gazte mugimenduak Gazteahotsa bloga jarri du abian atxilatutaren aldeko babesa bildu asmoz. Blog horretan aipatzen dute Euskal Herriko gazte mugimenduak eraso larria jasan duela Guardia Zibilak Gaztesarearen aurka egin duen operazio berriarekin. Gaztesarea euskal herriko gazte mugimenduaren ahotsa eta bilgunea da; sistema kapitalista patriarkalaren aurka dauden euskal gazte guztien aterkia, ahotsik gabekoen bozgoragailua; mass media handi eta manipulatzaileen aurrean errealitatea herritik eta gazte ikuspegiaz lau haizeetara zabaltzen duen komunikazio proiektua da Gaztesarea. Gure herrian aldaketa sozialerako beharrezkoa den tresna, eztabaidagune eta borroka ezberdinen topaleku da Gaztesarea.

Era berean, Prentsa aurrekoaren bidez Abuztuaren 7rako nazio manifestazioa deitu dute Gaztesarearen kontrako polizia operazioa salatzeko. «Sistema eta errepresioaren aurrean... Ekin dezagun batera!»leloarekin izango da arratsaldeko 18.00etan Donostiako bulebarretik.

Gehiago irakurri >>

XIV. AHTren aurkako kanpaldia Izurtzan (Bizkaia)

Indymedia Euskal Herria , 18-07-2009 - 13:02

Kronikak akanpadatik: |AHTren aurkako akanpada edo kolektiboaren magia |, |Artículo de opinión desde la acampada: Las luces del no|, |Akanpadako astelehen eta artearteko kronika|, |Accion en las obras del TAV en Izurtza llamando a la manifestaccion de este sábado|, |Hasi da AHTren aurkako akanpada!|, |Asteburuko kronikak AHTren aurkako Akanpadan|.

Aurtengoarekin hamalau dira dagoeneko Abiadura Handiko Trenaren aurkako Asanbladak antolatutako kanpaldiak. Hamalau urte desarrollismoaren eta bestelako zapalketaren aurkako topagune asanbleario eta autoorganizatua sortzen. Urtez urte hitzaldiak, eztabaidak, mendi-martxak, protesta ekintzak, umeentzako jokoak, e.a antolatzen, baita elkartu, elkar ezagutu eta eskuartzea bultzatzen. Hainbat urte borrokatzen eta berrindartzen borrokarekin jarraitzeko.

Aurten kanpaldia Durangaldeko Izurtza herrian izango da, uztailaren 24tik abuztuaren 2ra. Ez da lekua ustekabean aukeratu, herrialdeko txikizioa ustekabean burutu ez duten legez. Izurtza Euskal Herriko beste herri eta auzo askotan gertatzen ari denaren isla da. Herritarren lurraren lapurreta eta inguruak txikizio politika basatia defendatzeko poliziaz beteta. Edozer gauza AHTk suposatzen duen zentzugabekeria ekologiko, sozial eta ekonomikoaren eztabaidari heldu baino. Euskal Herrian AHTren gatazka "estatu arrazoia"ren menpe ipini dute, herri mugimendua kriminalizatu eta zigortzeko asmoz. Hori dela eta, aurten kanpaldirako deialdiaz aparte, erasoon aurrean indarrak batzera eta Durangon abuztuaren 1ean izango den manifestazioan partehartzera deitzen da, AHTaren kontrako oihu kolektiboa makinen zarataren gainetik entzun dadin.

Informazio gehiago: |Deialdia eta inprimatzeko Programa|, Kontaktua: Tlfn 695715510 / @mail: ahtez(a)sindominio.net, |Mani Zornotzan, uztailak 18|, |Durangon obretara martxa, Abuztuak 1|, |Bertan behera geratu da Atxondon AHTren desjabetzeen akten altxatzea|.

Gehiago irakurri >>