ZER DA? NOLA FUNTZIONATZEN DU? ZERTARAKO BALIO DU?

Indymedia Medio Independienteen Gunearen izena da. Medio indepedendienteen guneak, Seattlen sortu ziren, Nazioarteko Foro Monetarioaren kontrako protestaldiekin batera. Bertan, bulego bat ezarri zuten, medio independiente eta aktibisten mesedetarako.

Kale mailako ekintzaileei haien mezuak transmititzeko bidea ziurtatu nahi zen,horretarako, borrokatzen zituzten korporazio multinazionalen menpeko komunikabideak baliatu behar izan gabe.

Haien ideiei jarraiki, bulego bat lortu zuten, eta, bertatik, berriak emititzen zituzten Internet bidez. Egunero, Seattle-eko kaleetan doan banatzen zen egunkaria ekoizten zuten. Dozenaka bolondresek mobilizazioak jarraitzen zituzten, foto zein bideo kamara altzoan, eta bertan jazotzen zena grabatzen zuten. Ondoren, medio independienteen gunea baliatzen zuten zabalkunderako.

Pixkanaka-pixkanaka, ideia AEBetako beste hiri batzuetara hedatu zen, eta errepikatu, alderdi demokratak zein errepublikarrak bilkura bat ospatzen zuten bakoitzeko, armagintza feria batean, etb.

2000. urtean, aintzindari hauetako asko San Frantziskon elkartu ziren. Bertan, besteak beste, partaidetzarako oinarrizko printzipioak ezartzea erabaki zuten,baita adostu ere. www.indymedia.org domeinua erosi zuten.Halaber, edozein taldek Indymedian sarbidea izan zezakeela erabaki zuten, atxikitze printzipioetan deskribatzen den prozesua jarraituz.

Gutxinaka-gutxinaka, mundua osoan, indymediaren lotgune lokalak sortu ziren. Eta gaur egun, gehiago dira, ia-ia, sortzeko interesa erakutsi duten indymediak, benetan esistitzen dutenak baino.

Globalizazio neoliberalaren aurkako zenbait aktibistek (horrela deitu baldin badiezaiekegu) Medio Independienteen guneak Genoban egin zuen lana. Kablezko ehunka metro, aktibistak bere portatilaren ondoan saku batean lo egiten. Jendea handik honera joaten, bere bideo kamara audio grabatzailea, argazki kamarak, itzultzailentzako gela bat, irratirako estudio txiki bat, argazkiak errebelatzeko gelatxoa. Dena autogestionatua, eta zuzenean internetaren bidez berriak banatzen.

Hortik aurrera, atez ate joan ginen proiektu hori Euskal Herrian gauzatzeko ea aukerarik bazegoen. Pertsona batzuen artean, gure iritziak korreo elektronikoz elkartrukatzen hasi ginen. Iruñako irrati libre batean gure lehenengo bilera ospatu genuen denok elkar ezagutzeko. Adostu genuen, Leioan ospatu behar zen hackmeetinean gure bozetoa aurkeztuko genuela, baina jadanik bagenekiek hau aurrera eramango genuela behingoz. Hor suerte handi bat izan genuen, izan ere bertan Madrilgo, Bartzelonako eta Italiako indymedian parte hartu duten hainbaten aholkua jaso bait genuen. Orduz geroztik, "Desobedientzia Eguna" jardunaldietan, Software libreari buruzko UEUk antolatzen duen mintegian, eta Arrosa Ekoizpen zentroaren sorrerako bileran iragarri genuen gure ideia.

Bilera batzuk ospatu eta gero, Donostian, azken urratsa ematea erabaki genuen, Indymedia bakoitzak baieztatu behar dituen Harpidetze irizpideak eta batasun printzipioak adostu genituen. Dokumentu horiek irakurri egin genituen, eta denen adoserako aurrera atera ginen.

Berlinen, Europako indymedia guztiak ospatzen duten asanbladara joan ginen 2002ko urtarrilaren bukaeran. Azkenean, Berlinetik itzultzean, sarean onarturik izango ginela jakin izan genuen.

Berlinen, gauza asko ikasi izan genituen: Sistema nola funtzionatzen zuen, lagun asko egin genituen eta garrantzi asko izan zuena, erabiliko genuen softwarra hautatu genuen.

Gero, lan asko egin ondoren, 2002ko ekainean, behar genuen guztia lortu izan genuen eta interneteko ataria prest zegoen.

Indymediaren guneak garatzeko zenbait programa informatiko erabiltzen ditu, gunearen kudeaketa era erraz eta dinamikoan ahalbideratzeko. Kode ireki eta askea erabiltzea derrigorrezko baldintza da. Kode hau edozeinek har dezake eta bere nahiaren arabera aldatu inongo lizentziarik gabe. Software askearen aldeko apustu bat da.

Lehengo gunea Australian sortutako "active" kodigoan oinarritu zen. Bertan indymedia moduko portalak sortu ziren, arrakasta handiz. Active php eta postgresql programazio lengoaietan dago oinarrituta. Hizkuntza hauek informazioa datu baseetan gorde eta era erraxean eskuratzeko aukera ematen dute. Beste indymedia batzuek MIR kodea erabiltzen dute. Kasu honetan JAVA programazio lengoaian oinarritutako aplikazio batera igortzen du informazioa, eta aplikazio honek web orri estatikoak sortzen ditu. Era honetan serbidoreak jasaten duen karga arintzen da. Gure MIG-ak (Medio Independieneen Gunea) sistema honen alde egin zuen apustua.

Hala ere dena, edo ia, aldakorra da. ACPko gure lagunek slashdot erabiltzen dute, PERL-en oinarritutako software oso potentea. ACPk bere softwarea pertsonalizatu du site oso potente bat lortuz. Gure site software horretara pasatzea aztertzen ari gera baina gauza asko dira kontutan hartzekoak. Webaren zerbitzari lana egingo duen serbidorea, etab...

Gure politiketako bat publikazio irekia da. Printzipioz ez dugu iristen zaigun informazioa zentsuratzen. Baina publikazio politika irekia jarraitzeak ez du esan nahi ezer ukitzen ez denik. Adibidez behin baino gehiagotan ezabatu izan ditugu errepikatuta iritsitako mezuak. Eta filtroak erabiltzeko eskubidea geuretzako gordetzen dugu. Zenbait kasutan, politika editorial baten izenean mezuak ezabatzeraino ailatu daitezkeen filtroak. Publikazio irekiak geure erabakiak publikoak egitera behartzen gaitu eta hortaz, jarraitutako kriterioak publikoki azaltzera ere bai, nahi duenari horiek kritikatzeko aukera eskeiniz. Hau da, albiste bat bidal dezakezue, noski. Zerorrek egin dezakezu, geure baimenaren beharrik gabe. Web orrialdera joan eta formularioa betetzen duzu. Minutu batzuk eta gero zure albistea orrian azalduko da.

Guk ez dugu egiten. Baina hori egiten duten indymediak badaude eta horrek ez du esan nahi publikazio irekiaren araua hausten dutenik. Erabiltzen ditugun programak albisteei kategoria ezberdinetan sailkatzeko aukera ematen digute, orrian izango duten azkeneko tokia horren arabera erabakiz. Adibidez, indymedia Alemanian, mezu bat ez da eskubiko zutabera iristen talde editorialak ontzat ematen duen arte. Baina edozein mezu ikusteko modua badago orri nagusia baino link bat azpirago dagoen publikazio irekiko orri batean. Talde alemanak erreportaiak biziki bultzatzea erabaki du, eta ondorioz erakunde politikoen komunikatuak, manifestaldietarako deialdiak eta holakoak ez ditu eskuineko zutabean sartu. Azaleko orriaren eskuineko zutabera dihoan guztia "erreportari" lana da. Kasu batzuetan "ismo" direlakoak dituzten mezuak ezabatu egiten dira (faxismoa, arrazismoa, sexismoa, nazismoa). Halere, gorde egiten da eta eskatzen duen edozeinek posta elektronikoz jasoko du mezua aipatutako kategorietako batean sartzen dela egiaztatzeko aukera izan dezan.

Adibide honek ederki argitzen du publikazio irekiak ez duela derrigor esan nahi jasotako informazio guztiak portalean maila berean tratatua izan behar duenikan.

Posta elektronikora albiste bat bidali dizuet eta ez dut publikatuta ikusten...

Noski. Hori egitea ez da gure lana. Posta elektronikoa indymedian lanean gabiltzanokin harremanetan jartzeko tresna da. Barne-lanerako tresna da eta ez dago albisteak jasotzeko. Posta elektronikoz bidaltzen badituzue albisteak ez gera publikatzera konprometitzen. Korreo listaren funtzioa ez da hori.

Oraingoz ez gara finantzatzen. Pegatinetan inbertitu dugun diru-laguntza bat jasotzen dugu. Serbidorean daukagu tokia debalde utzi egin digute. Langileei dagokienez, inorrek ez du indymediatik kobratzen, indymedia ezin duelako soldatik ordaindu eta ez duelako egin behar ezta ere. Proiektuan sinisten dugun pertsonak gara eta denbora librean egiten dugu, ahal dugunean.

Modu ezberdinak daude. Eztabaidarako lau posta zerrenda ditugu eta itzulpen lista bat. Posta elektronikoaren bitartez egiten dugu lana eta gogokoen ditugun tresnetariko batzuk dira hauek. Posta listak hauek dira:

* imc-euskalherria@lists.indymedia.org

* imc-euskalherria-editorial@lists.indymedia.org

* imc-euskalherria-tech@lists.indymedia.org

Hauetako edozeinetan parte hartu nahi baduzu orri honen bidez apunta zaitezke:lists.indymedia.org

Itzulpen lista hau da : www-eus@lists.indymedia.org

Txat gela bat ere badaukagu irc.indymedia.org-en, #euskalherria kanalean

Tresna garrantzitsua da, era informalean eta denbora errealean komunikatzeko aukera eskaintzen baitigu.

Dokumentazioaren kudeaketa multilateralerako tresna bat ere erabiltzen dugu. TWIKI du izena eta endocs.indymedia.org-en aurkitzen da. Sistema honek pertsona batek baino gehiagok era errazean eta leku desberdinetatik dokumentu edo web orri berdinean lan egitea ahalbideratzen du.

Azkenik garrantzitsuena, noizbehinka aurpegiak ikusteko eta portalaren garapena aztertzeko biltzen gera.

Indymediako bolondresak ez dute mota guztietako ekintza eta mobilizazioak babesteko konpromezua hartu. Gainera, ez da beharrezkoa, zuk zeuk, giza mugimendu edo mobilizazio batetan parte hartu badezu, zeure kronika bidal diezagukezu. Eta argazki, bideo edo soinu grabaketa bat baldin baduzu, askoz hobeto. Arazorik gabe publikatuko dugu. Hori da gure helburua, komunikatzailearekiko dependentziarik izan ez dezazula albistearen berri eman ahal izateko.

Tresna hau ahalik eta autogestionatuen izatea bilatzen dugu. Zerbait igorri aurretik beharrezkoa den egiaztatu. Publikatu egingo dugu, noski, baian beharbada ez du merezi. Interneten material ugari badago eta link-a ematearekin nahikoa izan daiteke. Artikulu edo material hori zergatik iruditzen zaizun ona ere azaldu zenezake, jendea bisitatzera gonbidatu aurretik. Bestelakoan indymedia beste lekuetan dauden gauzen biltegi batetan bihurtzeko arriskua izan dezake. Helburua guztiz bestelakoa da, jendea bere produkzio informatiboa sor dezan bultzatzea hain zuzen ere. Kalera jun dadila argazkiak ateratzera, jendea elkarrizketatzera, beraien analisi propioak burutu ditzala eta partekatu nahi dituen beste informazio-iturriak adieraz ditzala.

Gure helburua berriak lau hizkuntzatan ematea da: Euskara, Gaztelera, Frantsesa eta Ingelesa.

Oraingoz, erabiltzen degun softwarea, erabiltzailearen hizkuntzaren arabera bertsio pertsonalizatua eskeintzeko bezain malgua ez da. Talde teknikoak interes haundia du honetan eta hori lortzeko lanean ari da. Gaurdaino lerroburu finkoak eta formularioak pertsonalizatzea lortu dugu. Mezu bat era egokian bidali dela abisatzen duen mezua eta erroreetaz abisatzen duten mezuak pertsonalizatuta daude ere.

Laster zutabe nagusiko edukin guztiak lau hizkuntzatan eskeini ahal izatea espero dugu, erabiltzaileak egiten duen aukeraren arabera.

Lau inplikazio maila daude.

1. Erabiltzaile arrunta bezela, edukinak irakurri eta zure berriak bidal ditzazkezu. Kasu horretan gurekin kontaktu eta konpromezurik gabe egiten duzu lana. Trsena zuk nahi duzunean erabiltzen duzu.

2. Kolektiboaren partaide bezala. http://lists.indymedia.org-ra joan eta imc-euskalherria listan apuntatu behar duzu. Prozesua erreza da. Aipatu orrira joan eta korreo lista bilatzen duzu. Zure posta elektronikoko helbidea sartu eta pasahitz bat aukeratzen duzu. Baieztapena eskatzen duen korreo bat jasoko duzu. Behin erantzuna eman eta gero taldearen barne eztabaidetan parte har dezakezu.

3. Talde editorialaren partaide bezala. Horretarako aurreko listan egoteaz gain honetan ere egon behar duzu: imc-euskalherria-editorial@lists.indymedia.org. Orri nagusirako gaiak proposa ditzazkezu. Puedes proponer temas para la pagina central. Kontsentsu bitartez egiten degu lana, hau da, eztbaida baten ondoren guztiak akordio batera ailegatzen gera. Proposamen bat 24 ordutan eztabaidatua ez bada, onartutzat hartzen da.

Editatu ahal izateko editore interfazean sartu beharra dago. Horretarako erabiltzaile izen bat eta pasahitz bat eskatu beharra dago. Interfaza erabiltzen ikasi behar da ere bai, baina oso erreza da. Komenigarria da twikia erabiltzen eta html jakitea, eta txata erabiltzea ere bai. Baina oso erreza da eta behin ikasita zaila da ahazten.

4. Talde teknikoaren partaide bezela. Informatika, web diseinu edo diseinu grafikoaren inguruko ezagupenak badituzu talde honetan parte har dezakezu. Taldearen lista hau da: imc-euskalherria-tech@lists.indymedia.org